حساب کاربری

لطفا از حروف a-z,A-Z,0-9 استفاده نمایید - حداقل 5 کاراکتر

حداقل 8 کاراکتر

چند آساناك زیبای ترکی قشقایی


چند آساناك زیبای ترکی قشقایی

آغ آلما، قيزيل آلما.
سات منه، قيمت آلما.
جوانليگ گئدَر گلمز.
اوزومو گئري سالما.
________________
آغاج آتديم نار گلدي.
كؤينك بيچديم دار گلدي.
كؤلگه دوشدو قاپي يا.
دئديم شايد يار گلدي.
____________________

آغاج باشيندا قورا.
آللانديم دوشدوم تورا.
بيزي تورا سالانلار.
بي ايمان گئدسين گورا.
____________________
چاغيرديم داغداكي لار.
هوي وئردي باغداكي لار.
نه وئردنگ مشتلوغوم؟
گلدی ایراقداکی لار
_________________

سرحدّينگ خاص داغلاري.
گولا پيوست داغلاري.
ياري چكديم خلوته،
دومان گَل باس داغلاري.

(دومان گل باس داغلاري)نظيرش را جايي نديده ام.
____________________
قیز کوینگینگ سوسنی
سرحد ده سودیم سنی
سرحد بندی سووق دور
آللاتدیم آلمام سنی

آسانک سرحدیاتی
_________________

چیخدیم اوجه یال لارا
باخديم اوزاق يوللارا.
سو سپديم، جارو چكديم.
ياروم گلن يوللارا.
___________________
تيرمه شالينگ تيدشتي.
اينچه بِله دولاشدي.
من سنينگم، سن منيم.
فالچي، بِله فال آچدي.
__________________
كهر آتينك قولونو.
مخمل ائدينگ جولونو.
بيز گلميشگ آپاراگ.
سيزينگ باغينگ گولونو.

اين آساناك كهن قشقايي را با دقت بخوانيد و به ارتباط واژگان شعر و معني و مفهوم آساناگ ، توجه فرماييد.
________________________
قزه هَینگ قربانئ.
سروئ ساینگ قربانئ.
بیر اوءزینگئ دئمیرم.
ائلئ طایفانگ قربانئ
_____________________

قيز بو قويون كيمينگدير.
ساي گورم نئچّه مينگدير.

من كي سنه يار دَيلَم.
دِ گؤرم يارينگ كيميدير.
________________________
چشمه یم چایا بندم.
ایلگرم آیا بندم.
اوزونگ توءلا بیر اوپم.
حسرتم وایه مندم
_____________________
اوتای بوتای، اوزوم دور .
عقیق، مرجان دوزوم دور.
بیز کیخایا قیز وئرمگ .
کیخا قیزی، بیزیم دیر.
____________________
قره داغینگ قاری یانگ
بیلمم کیمینگ یاری یانگ
یئل اسنده ائشیددیم
دئیرنگ بیزدن ساری یانگ
____________________

دلی یم داغ آدامی
سه میرم ساغ آدامی
بئله کی یار یاندیریر
یاندیرماز یاغ آدامی
_________________

بسکه یاروم آرالی دور

باغروم بندی یارالی دور

سوروشما سن هر عاشقدان

سن سئودینگ هارالی دور

((گرایلی))

محسن رجایی پناه

______________________

 

چاه زالينگ بويناغيندا.
قار ياغار جان داغيندا.
ديلي بالا وورايديگ.
نازلي يار دوداغيندا.
_____________________
ایپک حریر گوزلرینگ
گلاب سپیر گوزلرینگ

گؤز گؤزؤنگه تیکنده
دمار چکیر گوزلرینگ‌

حسین حیدری قشقایی
__________________
شيراز آلتي، شاه كندي.
سو سپديم، سو تؤكندي.
بسكه دئديم يار گلدي،
شيرين عومروم تؤكندي.
___________________

بو داغلار تازه داغلار
خان گَله گزه داغلار
چشمه سی شراب اولسون
کیلگی مزه داغلار
____________________

خانه کتاب قشقایی
www.Qashqaiebook.ir

آساناک های خود را در قسمت دیدگاه وارد نمایید

حسن میرزایی
دیدگاه کاربران 2 دیدگاه
  • نعمت بدری ۲۴ فروردین ۱۳۹۹ / ۸:۳۵ ق.ظ
    0 0

    سلام
    یک مصرع آساناک هفت هجایی است هر جا شد هشت دیگر آساناک نیست
    ،ساری أکین بیچمگ سئیر ،می دوداق ایچمک ایستئیر،من کیمین عاشیق اولان جان باشدان گچمگ ایستئیر

    بسکه یاریم آرالیدیر ،هم هشت هجایی هست.🙏🥀

  • شهاب ۲۴ فروردین ۱۳۹۹ / ۹:۲۴ ق.ظ
    0 0

    ایک ایستینه گوی کیزه
    کولگه دوشدی نرگیسه
    دوشمن گؤزینگ کور اولسون
    یار گئنه دئندی بیزه

ارسال دیدگاه

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

X