حساب کاربری

لطفا از حروف a-z,A-Z,0-9 استفاده نمایید - حداقل 5 کاراکتر

حداقل 8 کاراکتر

شعر قشقایی از غلام رستمی


شعری از غلام رستمی 🍒

گل قچک 🍒

بو ائل داها قالمالی دئیل گل قچک
گپی اصلن چالمالی دئیل گل قچک
یول اوز اولموش لایلامیشام یولومو
هئچ یولا یول بولمالی دئیل گل قچک
بو ائل داها قالمالی دئیل گل قچگ
🍒

 

ائلینگ اوزی چاخارددی اوز گوزونو
غم اه وینده بی کس ائددی اوزونو
اونودامام طعنه ووران سوزونو
هئچنه یادا سالمالی دئیل گل قچک
بو ائل داها قالمالی دئیل گل قچگ
🍒🍒

 

اوغلان آتار آتاسیناغم داشی
ائل آتاسی دائیم توکر گوز یاشی
ائز الینن قیرریلمیش دیر ائز باشی
بو سئر اصلن بیلمه لی دئیل گل قچگ
بو ائل داها قالمالی دئیل گل قچگ
🍒🍒🍒

 

دوران آغلارائلیمینگ دورانینا
ائل ایچینده بی کس اولن خانینا
درد سینمیش دیر بیلن لرینگ جانینا
درد اوره گدن آلمالی دئیل گل قچگ
بو ائل داها قالمالی دئیل گل قچگ
🍒🍒🍒

 

قره گوردوم عومرونگ واری ایلینی
باشا اسن کور اوجاغینگ کیلینی
تئز لایلادیم آتا آنا دیلینی
آغلایاسیم گیلمه لی دئیل گل قچگ
بو ائل داها قالمالی دئیل گل قچگ
🍒🍒🍒

 

فلک آغلا منیم ائلیم حالینا
قره دونو گه یدیردیلر دالینا
چوخ جان وئردیگ قانلی تورپاق یولونا
بو تورپاغده بیلمه لی دئیل گل قچگ
بو ائل داها قالمالی دئیل گل قچگ
🍒🍒🍒

 

بیلمز اوزوم بو سوزی خوب بیلیرم
چاراسیزام ائل دردیندن اولیرم
دلی اولدوم اوز اوزینه گیلیرم
درده دارمان قیلمه لی دئیل گل قچگ
بو ائل داها قالمالی دئیل گل قچگ

غلام رستمی …..بیلمز
🍒🍒🍒🍒🍒🍒🍒🍒🍒🍒🍒🍒🍒🍒🍒۱۳۹۴

مدیر
ارسال دیدگاه

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

X